Gwledig

Band eang gwell ar gyfer ein safleoedd anoddaf eu cyrraedd

Mae buddsoddiad sylweddol wedi bod yn y sector cyhoeddus a'r sector preifat i wella cysylltedd ar draws ein rhanbarth. Fodd bynnag, yn ôl Adolygiad o'r Farchnad Agored 2021, mae gennym 16,858 o safleoedd nad oes ganddynt fynediad at fand eang boddhaol ac nad ydynt mewn cynlluniau masnachol i'w huwchraddio erbyn mis Hydref 2025. Rydym yn gweithio gyda chyflenwyr, Llywodraeth y DU a Llywodraeth Cymru i fynd i'r afael â'r mater hwn mewn sawl ffordd:

• Mae ein hyrwyddwyr digidol yn gweithio gyda'r cyflenwyr i gyflymu, hwyluso a chefnogi'r bwriad i gyflwyno hyn yn fasnachol. Mae Rheolwyr Seilwaith y Genhedlaeth Nesaf ar gael i gysylltu rhwng cyflenwyr ac adrannau mewnol er mwyn sicrhau bod unrhyw broblemau'n cael eu nodi a'u datrys cyn gynted â phosibl.
• Mae ein Swyddogion Cefnogi ac Ymgysylltu yn parhau i ddarparu cefnogaeth y mae angen dirfawr amdani i gymunedau a busnesau i'w helpu i gael band eang gwell drwy gynlluniau talebau ac ymyriadau eraill a gyllidir gan y llywodraeth.
• Rydym yn gweithio gyda Llywodraeth y DU i gefnogi Prosiect Gigabit, sef rhaglen flaenllaw gwerth £5 biliwn i alluogi cymunedau anodd eu cyrraedd i gael mynediad i fand eang heb ei ail sy'n gallu delio â gigabit.
• Rydym yn gweithio gyda Llywodraeth Cymru er mwyn cysoni ein cynlluniau o ran mynd i'r afael â'r safleoedd anoddaf i'w cyrraedd yn y rhanbarth.

Os oes angen cyngor arnoch ynghylch cael band eang gwell, cysylltwch â'ch Swyddog Cefnogi ac Ymgysylltu Seilwaith Digidol lleol. Os hoffech siarad â ni am ein buddsoddiad arfaethedig i helpu cartrefi a busnesau i gael gwell band eang, anfonwch e-bost i digidol@bargenddinesigbaeabertawe.cymru.