Menter Sgiliau a Thalentau

Mae'r rhaglen Sgiliau a Thalentau yn cael ei harwain gan y Bartneriaeth Dysgu a Sgiliau Ranbarthol ac mae'n canolbwyntio ar feysydd twf uchel yn y sectorau digidol, adeiladu, ynni, gweithgynhyrchu clyfar ac iechyd a llesiant, gan ddarparu:

• 2,200 o sgiliau a chyfleoedd datblygu ychwanegol
• 14,000 o gyfleoedd uwchsgilio
• O leiaf 3,000 o brentisiaethau newydd
• 20 o fframweithiau cyrsiau newydd
• O leiaf 2 ganolfan ragoriaeth  

Drwy weithio ar draws y rhanbarth ac ochr yn ochr â phartneriaid o'r sector preifat, addysg uwch ac addysg bellach, ysgolion a'r trydydd sector, bydd tîm y rhaglen yn nodi bylchau yn y ddarpariaeth bresennol ac yn pennu'r newidiadau sydd eu hangen i ddatblygu cyrsiau a fframweithiau newydd i fodloni'r bylchau hyn o ran sgiliau.

Mae prosiectau peilot yn cael eu datblygu a'u lleoli sy'n cyd-fynd ag anghenion diwydiant a themâu allweddol y Fargen Ddinesig.

Cliciwch yma i weld prosiectau peilot cyfredol gan y rhaglen Sgiliau a Thalentau